Einnota andlitsgrímur og hanskar sem hafa hjálpað til við að bjarga mannslífum í kórónuveirufaraldrinum ógna nú lífum annarra. Þau líf eru ekki mannleg heldur ógna andlitsgrímurnar og hanskarnir villtum dýrum, sérstaklega fuglum og sjávardýrum.
Vísindamenn vara við því að einnota grímur og hanskar mengi nú sjóinn og ár víða um heim.
„Við teljum að einnota grímur og hanskar séu líklega ógn við lífríki sjávar,“ segir George Leonard, aðal vísindamaður náttúruverndarsamtakanna Ocean Concervancy.
„Dýr, til dæmis sjávarskjaldbökur, telja hanska stundum vera mat. Sjávarskjaldbökurnar, til dæmis, halda að hanskarnir séu marglyttur en þær eru aðal fæða sjávarskjaldbakanna,“ bætir Leonard við.
Hann segir að fæðuvefurinn allur sé í raun í hættu vegna þessa.
„Þegar plöstin brotna niður í umhverfinu verða til minni og minni agnir. Þær geta svo haft áhrif á nánast allan fæðuvefinn,“ segir Leonard um málið.
mbl.is sótt 12/01/2021