Birtist í Fréttablaðinu þriðjudaginn 11. maí 2021
Bacoban er byltingarkennd lausn í þrifum og sótthreinsun fyrir heimili og fyrirtæki. Efnið veitir bestu sóttvörn gegn vírusum, inflúensu, bakteríum, myglu og sveppagróum.
Nýlega kom á markað hérlendis ný og byltingarkennd lausn í þrifum og sótthreinsun sem heitir Bacoban og er ætluð bæði heimilum og fyrirtækjum. Um er að ræða eitt efni sem í raun leysir af hólmi öll önnur hreinsiefni sem notuð voru áður. Hreinsiefnið veitir bestu sóttvörn sem möguleiki er á gegn vírusum (Coronavirus), inflúensu, bakteríum, myglu og sveppagróum og er um leið umhverfisvænt, segir Davíð Már Sigurðsson, markaðsstjóri og einn eigenda BE Nano. „Við kaup á Bacoban má einfaldlega skipta út öðrum efnum því Bacoban dugar eitt og sér á alla fleti eins og gólf, veggi, glerhúsgögn, borðplötur og salerni. Auk þess auðveldar varan öll eftir þrif um allt að 50% vegna smáeindarhúðar sem hún myndar sem ver gegn vökva og óhreinindum. Því festast óhreinindin ekki við heldur liggja ofan á smáeindarhúðinni. Einnig má nefna að smáeindarhúðin ver parket og innréttingar gegn útfjólubláum geislum sólarinnar. Vegna fyrrnefndra eiginleika er hægt að nota Bacoban sjaldnar en önnur hreinsiefni og því eru heimili og fyrirtæki ekki bara að fá betra efni heldur spara fjármuni á sama tíma.“
Vitsmunavara fyrir vitsmunaverur
Hann segir fjölda fyrirtækja og heimila hérlendis nú þegar hafa skipt út eldri hreinsiefnum og tekið inn Bacoban. „Það skiptir öllu máli að hafa eitt umhverfisvænt efni sem dugar á alla fleti innandyra til þrifa og sótthreinsunar, í stað margra ólíkra og misgóðra efna. Við erum að sjá flugfélög, fyrirtæki í sjávarútvegi og ferðaþjónustu, verslunarkjarna, skóla, sundlaugar, björgunarsveitir, matvælaframleiðendur, heilsugæslur, sjúkrahús og fjölmarga aðra aðila nota Bacoban með mjög góðum árangri.“
Þessi fyrirtæki sáu að sögn Davíðs líka tækifæri til að minnka kolefnisspor sitt enda bara eitt umhverfisvænt efni í stað allt að 10 (sum innihalda eiturefni) og mun minni förgun á plastumbúðum.
Varan og virkni hennar er sannreynd og vottuð af viðurkenndum alþjóðastofnunum eins og Institut Fresenius (ASTM Standard E-2180), ISEGA, MIKROLAB, SGZ, ISO 9001 og ISO 14001. Skráð af Alþjóðaheilbrigðismálastofnunni (WHO) um hollustuhætti og örverufræði.
Árangursríkar sóttvarnir eru mikilvægar
Davíð segir eitt erfiðasta verkefnið við þrif á heimilum, skrifstofum og fyrirtækjum vera skilvirka hreinsun sýkla og baktería. „Flest sótthreinsiefni sem eru fáanleg á markaðnum í dag geta einungis veitt skammtíma sótthreinsunarvernd. Þær sótthreinsunaraðferðir sem oftast eru notaðar eru því aðeins árangursríkar í nokkrar sekúndur til nokkurra mínútna á meðan efnið gufar upp. Eftir uppgufun geta því þessi sömu yfirborð mengast og orðið smitandi strax aftur með örverum, einfaldlega með því að ganga yfir teppi, opna gluggatjöld, sitja í sófa eða snerta yfirborðið. Næstum allir fletir eru opnir fyrir mengun frá sýklum sem valda alls konar áhrifum eins og t.d. slæmri lykt og útbreiðslu smitsjúkdóma.“
Hann segir Bacoban sannarlega vera tíu daga virka vörn gegn bakteríum, vírusum, sveppum og myglu. „Efnið er að lágmarki 100 sinnum áhrifaríkari vörn en mörg önnur almenn sótthreinsiefni. Árlega er talið að 3-5 milljónir alvarlegra tilfella inflúensu eigi sér stað í heiminum og 290.000-350.000 dauðsföll séu fylgikvilli þeirra. Kannanir á þýskum öldrunarheimilum sýndu fram á 80% minni veikindi af völdum árlegrar inflúensu eftir að skipt var yfir í Bacoban við sótthreinsun.“
Gerið kröfu um rétt vottaðar vörur
Bacoban er því að sögn Davíðs langbesta lausnin á markaðnum í dag. „Ef þú vilt eyða minni tíma og fjármunum í sótthreinsun og þrif, ef þú vilt vera umhverfisvænni og farga minna af plasti, ef þú vilt vernda þína nánustu gegn árlegum flensuvírusum, veirum, myglusveppum og bakteríum, þá er Bacoban svo sannarlega rétta varan fyrir þig og þína.“
Bacoban er sérlega hagkvæmt og drjúgt enda blandast efnið 1 á móti 100. Einnig fæst það tilbúið til notkunar og í blautþurrkum.
Allar nánari upplýsingar má finna á www.bacoban.is
frettabladid.is sótt 17/05/2021