Skóg­rækt gæti aukið los­un

Rask við gróður­setn­ingu vegna skóg­rækt­ar gæti aukið kol­efn­is­los­un, að því er fram kem­ur í um­sögn Um­hverf­is­stofn­un­ar vegna fyr­ir­hugaðrar skóg­rækt­ar á Hall­fríðar­stöðum í Hörgár­dal.

Þar er fyr­ir­hugað að rækta skóg á 50 hekt­ara svæði og óskaði Skipu­lags­stofn­un eft­ir um­sögn Um­hverf­is­stofn­un­ar um hvort og á hvaða for­send­um fram­kvæmd­in skyldi háð mati á um­hverf­isáhrif­um. Í heild­ina litið tel­ur Um­hverf­is­stofn­un ekki lík­legt að fram­kvæmd­in muni hafa um­tals­verð um­hverf­isáhrif í för með sér, að því er fram kem­ur í Morg­un­blaðinu í 18/03 2020.

í umsögn Umhverfisstofnunar segir:

„Umhverfisáhrif skógræktar fela almennt í sér fjölþætt áhrif. Skógrækt getur haft til jafns jákvæð eða
neikvæð áhrif á s.s. landslagsheildir, gróðurfar, búsvæði fugla og annarra dýra, vatnabúskap og
jarðveg. Með hliðsjón af umfangi, eðli og staðsetningu er þó ekki líklegt að umfang og styrkur áhrifa
verði verulegur. Gera má ráð fyrir því að áhrifa skógræktunar að Hallfríðarstöðum muni hafa nokkur
áhrif á ásýnd svæðisins á komandi árum og áratugum. Skipulagsstofnun telur mögulegt að draga úr
áhrifum með því að viðhafa vandaða verktilhögun við hönnun skógræktarsvæðisins og að val á
trjátegundum verði viðhaft í samræmi við umsögn Náttúrufræðistofnunar Íslands.“

Í um­sögn Um­hverf­is­stofn­un­ar seg­ir líka að eitt af mark­miðum fram­kvæmd­ar­inn­ar sé að binda kol­efni í skóg­in­um. Um­hverf­is­stofn­un vill benda á að á norðlæg­um slóðum er talið að mest kol­efni sé bundið í jarðvegi, en rösk­un á yf­ir­borði lands, t.d. með plæg­ingu, get­ur leitt til auk­inn­ar los­un­ar á CO2 og er ekki með vissu vitað hvenær trjá­gróður sem gróður­sett­ur er í plóg­far­inu muni fara að binda kol­efni svo nokkru nemi en það gæti tekið all mörg ár.

Þetta er áhugavert og segir manni að það eru fleiri leiðir til að binda kolefni en skógrækt. Mikilvægt er að huga að þáttum eins og loftslagi og jarðvegi á viðkomandi svæði þegar tekin er ákvörðun um nýtinu þess. Kærufrestur, vegna þessarar umsagnar, rann út í lok júli og því verður forvitnilegt að fylgjast með því hvað gerist í Hörgárdalnum í náinni framtíð.

mbl.is sótt 19/08/2020
Umhverfisstofnun sótt 19/08/20202